When de opposition did vote to mek Rohee shut he mouth de government get vex and claim how de opposition don’t like Rohee.? Now that de IDB people come to investigate a programme that dem give Rohee money to carry out,Wholesale Jerseys, is then Donald know why Rohee shoulda shut he mouth.Rohee get de money and he pass it on to Khemraj and is then de problem start. Khemraj mek sure that dem didn’t go to tender. He set up de thing suh he can draw out de money in parts and pay who he got to pass.People collect but Rohee didn’t expect an investigation.? De IDB send in people and Khemraj smell de rat. He complain how he sick and that he got to lef de wuk. Is then Rohee know that he in trouble. He friend get ketch. When? dem boys ask Rohee wha happening he tell dem that de IDB got to do wha it got to do. “Let dem try wid that. Is dem money Khemraj thief.”Thiefing money ain’t easy to hide and is now Donald gun see who was hustling wid de money to help de criminal justice system. Well if people gun thief money fuh help fight crime dem boys now know why crime can’t done in Guyana. Is like a priest thiefing collection.That is how dem boys find out that Bobby get target by de people who got de cricket franchise. De investor tell dem boys that he specially target Bobby. When dem boys ask why he ain’t target nobody else he tell dem that he only want rich people. Bobby got to be one of de richest men in de region. He more rich that even de man who own Sandals hotel and even Ansa McAl. Imagine that dem people ain’t even get an offer to own a franchise.AND Donald can’t even think bout investigating.