When stupidness was sharing some reporters tek all. We know that reporters got a problem wid people names and dem can’t even ask people to spell dem own name. Some of dem put Bartica pun de Essequibo Coast and one of dem actually put Kaieteur Falls in de Pomeroon.Dem boys seh that wha really mek dem know that de reporters really stupid was when one pick up de papers and read a headline. ‘Bandits strike on the Corentyne’. De reporter was a woman who does walk wid she chest in de air because she wukking wid Hen See Hen.She watch dem boys and express surprise. She tell dem that is pure strike all over de place. She seh how de sugar workers strike; de minibus drivers strike and now de bandits strike.Then she screw up she brow and announce that she didn’t know that bandits does strike too.Is de same thing wid de doctor who mek people change de word from CAT scan to CT scan. Dem boys seh that a young woman get knock down pun de road and she husband carry she to hospital.De doctor look at de woman and announce that she need a CAT scan and de husband cuff he because ‘that’ wasn’t injured in de accident. Dem change de name since then to CT scan suh dem can’t have a mistake.Guyana mek a serious mistake de other night. Dem win de match against de English team. When dem lose de fuss match dem boys seh that dem done wid cricket. Then Guyana win by one run and things change. But dem boys now thinking if dem involve in match fixing because match fuh win,Jerseys Cheap NFL, people losing.Talk half. Lef half.