People does talk bout who treating dem bad and who good to dem. Well dem boys know that once you give people wha dem want,NFL Jerseys China, every time dem want then you is a good man. But de minute you seh no you bad.When de government had de majority in parliament everything was good. Even de opposition was good because like a good puppy,Jerseys From China, all de opposition could do was bark but no bite. Well this time dem got a opposition that does bark and bite. De government seh that dem bad. Dem suh bad that dem cut de government money.Dem boys seh that when people got dogs dem does feed dem. Jagdeo woulda know to feed de dogs. He would call out couple opposition people and give dem a raise fuh no reason at all. Poor Uncle Donald don’t know to play dem game suh he gun get bite steady.After he get bite wid de budget he threaten couple things. He threaten fuh kill dem dogs by going to some snap elections but somebody tell he that he could end up wid a bigger bad dog. He think and he seh that he rather keep de dog that he got than fuh get a more bad one.Then he threaten fuh get a vet. He did tek de dog to de vet and Ian Chang check de dog and seh that he didn’t have any reason fuh treat de dog. Well Uncle Donald threatening fuh carry dem dog to de vet again.?? Well de vet might have to think twice. He ain’t tell de Donald that nutten ain’t wrang wid de dog two times because Uncle Donald might find another vet.He already shopping around fuh a second advice since de last visit. But dem boys seh that if dem had to deal wid dem same dogs dem woulda doctor de snack at parliament and then call fuh a vote. Most of dem would deh running in de toilet after a good dose. De only thing is that some of de government members woulda get ketch too.It would be a shad shituayshun. Talk half and get bite wid de other half.