De government boasting about freedom of de press and how Guyana got democracy but is like telling people that dem can talk but you put scotch tape over dem mouth. That is wha de government want to do to de Waterfalls paper. De only thing is that de paper got a big mouth so dem don’t have scotch tape big enough fuh tape it mouth.De result is that dem got Kwame trying all kind of things and Kwame know that China supporting Jagdeo who supporting de government. He get he people in Oh Pee fuh call pun dem Chinese hackers who now launch an attack against de Waterfalls paper. Dem trying fuh block de paper from de people who want to read it online.Every child who can talk know who start de attack pun de website. Dem even attack Rob de Earth news outfit because dem believe that I News talking too much bout de wrongs dem doing.Old people got a saying that success breeds enemies. De Waterfalls paper wuk hard and it is now de best paper in Guyana. In fact,Wholesale NFL Jerseys, dem boys believe that it will be de best paper Guyana will ever see. Even blind people talking about de paper suh it mean that it suh good that it do wha de Good Book talk about—mekking de blind see.De truth is that people like it because de Waterfalls paper ain’t frighten to call a spade a spade. Donald do stupidness and de Waterfalls paper seh suh while de others keep dem mouth shut like when people see de king naked and frighten to tell he that he ain’t got on no new clothes.Dem boys seh that de paper ain’t got no bones to chew unless is de bones of dem who corrupt.When de people ask de boss man bout de paper de man tell dem that he and de whole Waterfalls team spiritually and emotionally prepared fuh tek on anything fuh de people of this country.De bottom line is that dem boys don’t live dem life fuh please nobody,Jerseys Cheap NFL, not Donald and certainly not Jagdeo who ain’t even trying fuh live he life because he see de jail calling.Dem boys don’t care wha nobody think. “If dem don’t like us don’t talk to us,Jerseys From China, go to hell and all you problems solved.” If yuh don’t want read the paper don’t deny others from reading it. If yuh don’t believe in de Creatah like nuff ah dem politicians don’t stop a man who going to a place of worship.If yuh don’t eat pork don’t stop a man from smelling it or tasting it. That is wha dem boys seh.Talk half and wait fuh de backlash.