Phagwah is a Guyanese thing. Phagwah Day everybody decide that dem gun play. Donald come out and he and Granger well and paint up one another. When dem boys see that dem seh that dem can’t understand all the fuss in Parliament till Donald put powder in Granger eye. Donald was smart,Wholesale NBA Jerseys China, he wear sun shades fuh protection.A time dem spray Corbin in he eye and was days before he coulda see de true colour. And a time Hoyte did sprinkle abeer in Reepu eye and that was de year when Reepu couldn’t see fuh argue bout agriculture in de budget debate.De water people mek sure that all dem pipe wuk. Dem save up fuh Phagwah Day; that is why last week dem had water shortage.But de day wasn’t good fuh some people. Imagine de police patrol de roads fuh mek sure that people drive carefully and that nobody ain’t drink and drive. But nobody wasn’t there to watch dem. One patrol crash and a man dead. De driver injure and he friend can’t talk up to now.Another man was riding he motorbike pun de Embankment and a car knock he upside down and drive away. He family had to spend Phagwah Day in misery.De night before Phagwah people bun Holika. Some people think that dem had to bun school and dem house. Dem bun two school and Tiger Bay and a house in Kwakwani.At least Phagwah Day was one day when people didn’t protest bout radio licence. Dem boys notice that all dem young people switch from de government station but wha dem ain’t know is that even if nobody ain’t listen de station gun mek money. De government gun still give dem ads but this time dem got to pay because de opposition watching. And no amount of abeer in dem eye gun blind dem when it come to de budget.Talk half and wait fuh de radio backlash.