People does find excuse fuh everything. Imagine that Irfaat telling people how de economy slow down because de Pee Pee Pee lose de elections. And de man got a good excuse. He claim how de coalition knocking off people suh nobody ain’t wukking and money ain’t deh to shop.Dem boys seh that he talking bout de places he use to go and drink.? When he keep he press conference he tell dem reporters that is one man tell him that business slow down. That is de man who use to get nuff money from Irfaat who use to get it from de ministryHe use to spend government money to treat nuff people suh it look like if de business place really booming. And it was booming. Irfaat gone and de big spending done because dem is people who didn’t like spend dem own money.All of dem who use to buy nuff things fuh sweet woman stop spending and because dem stop spending,Wholesale NFL Jerseys, dem believe that de economy slow down.Is de same thing mek dem end up cussing de government because Li’l Joe talk how dem use to give away free gas. Irfaat office use to get permission to send car fuh fuel and de Ministry use to pay.De same thing mek dem boys wondering how much money dem gun find. Brassington had nuff money now dem boys hear that de money was in secret accounts. He was behaving like a special bank and de money wasn’t even he own.He was one of dem who had secret fuh nuff people and today he think that he can smart Chris Ram and Goolsarran. Wha he don’t know is that Ram plan fuh put he pun a bar-b-que and melt some of de fat off him till he talk.Who never hear a pig squeal gun surely hear one when dem done wid Brassington.Talk half and watch how de freeness done.